نورهان كحلة تكتب: المشهد
شايف بعلو كتاف المظلومين
الفقر دايس فوق جبين الشقى..!
وأيدين صايبها شقوق وبتشحت التقدير.
فمسحت دمع العرق علي كتفي لم انحنى
شوفت المشهد..
عن صرخة طفل بيتنهد
علي لعبه تمنها بقوت اليوم
عن حيره في عين أب بيحسب
تمن العيشه بكام .
انا شوفت فجأه الأرصفه بتساع كتير
شوفت الطريق مفروش ورق لجل ما المخليق تنام
شوفت الوداع في عيون بتغزل مالألم حسره
شوفت الي نهشه الجوع من بعد خوفه مالغربه
شوفت الي بايت همه علي بكرا
وازاي هيملي الكفه لجل تميل
وشوفت الظلم بيتشحت ما بين الخلق بالفتره
فالدنيا علت ابن باشا لجل بس ترد جميل!!
كنت لسه في اولى دنيا لم كورتي كات شراب
كنت بشقى اكيد وزيك فينا كوع مليان تراب
كنت برمي حمولي جايز الاقى فجأه الحظ طب
يومها بس انا كنت عيل لم قولت انا حلمي طب
عددت الايام بحُرقه وعرفت معنى العجز .
كوني أب مصيره يشقى وعادي جدا ميلاقيش
كان حلمي يومها اني اكبر..
دلواقتي بس حلمي أعيش
نشبه كتير للعجز لو يسعى
ساب فينا ايه السعي غير اوجاع
توبنا القديم مبقاش يكفي البرد
طرف النعال شقق ولساته ماشي طريق
الزل اصعب اوي من انه يكفي السرد
الدنيا واسعه ولاكن في طريقنا بردو تضيق
ابني العزيز
ابني العزيز مش جاي اقدم وعد
العجز حرّم اني يوم أديك
إلمس ايديا عشان تفهم اي معنى الغلب
وبرغم روحي البور فا انا بردو كنت أرويك
عشت ابكم لجل ارضى الزل
عشت بصرف حَنْيتي في عيشه
وصحيت لاقيت البيت مليان حطان من طين
والعمر سارق مني تحويشه
فسمعها مني المره ديا وبس
عكاكيز حيطنا البايشه لسه ماملتش
وايديا حالفه ماتتحوج مره
قطعت جيوبي من العرق لسها ما بنتش
وان كنت اداري الوجع تلقاني بضحك بس من بره..
ولأن أرواحنا العجوزه
كانت شباب جدا
فا انا جاي أواسي عنيها مالحسره
زيك تمام
العمر زارع فيا كهل مش مني
معرفش لي مبقتش اشوفني في المرايات
نفسي بس اداوي فيا عمر عدى بدون حساب .
نفسي اجرب طيش شبابي نفسي ارجع في الي فات
بختم الي نفسي الكهينه جواب
مكسوف وجاي لجل اعتزر ليكي.
لو عشت اقطف مالشجر أعزار
مقدرش اداوي الكسره فعنيكي
أسف بنيابه عن برد الطرق
وطول الليل في عز الجوع
وبالنيابه عن السهر ونومة الكنب
وقوليلي بس ياريت هل في لشبابنا رجوع ؟
او هل يجوز نستلف مالدنيا دي عيشه
كان فيا طفل زمان عشمه في بكرا كبير
واهو بكرا جه شيخه وعطاله تأبيده
ستيني بشحت ما الجميع فرصه
مافضلش ليا من الونس ريحه.
مملكش غير اطلال باقيه من الذكرى
وايدين حوجها الزمن لتلاقي تشجيعه
ستيني بشحت مالجميع فرصه مفضلش ليا من الونس ريحه!
كرباج الفقر ميت جلده
بتدمي عنينا لجل نقول خلاص عايزين
ماخلاص يا دنيا الجوع ضيع في ملامحنا
اعطينا بس الشبع وانا بوعدك راضيين
اعطينا بس يقين ان الي جاي احسن
وان الي فينا انظلم مسيره حقه يعود
اعطينا تاني وعود انا نعود عايشين.
