محمود البا يكتب: خيال

خيال،

فى الشارع الواسع 

طريق العمر ما يساعُه 

عيال،

بتحط للشارع عيون..

وتنام على دراعه

وطن،

فى العالم الوالع 

مخبِّى الخير، وأتباعه

ملوك،

مالهاش ولا ذَلَّة

عتاولة..

يتبنوا دولة 

بوسع المُلهمة «كلَّا»

ووسع الشاى.. بنعناعُه 

بوسع الأرض محتلة 

من المزيكا مختلة 

وم العالم.. بأنواعه

بوسع الطير، بيتسلى 

بوسع النور، بيتجلى

-لعلَّ-

فى الفضا بتاعُه

يا عينى..

تذكرى ولَّا 

يا قلبى..

والنشان جلَّى 

وحراس الفضا باعوا

زمن فيضان، ولا خلَّى 

سنين إلا..

ومحتلة

حنين إلا..

وأوجاعُه.