السيد الفقى يكتب: كتف العصفور

كتف العصفور إللى انصاب

فى مواجهة شاظية

كان لازم يعبر للغرب

ويشوف القمح المستورد

مع طلقة موت

ويشوف براميل النفط الخام المتصدر

على سطح المركب

صماويل جنازير وماسكها القفل

وعيون لم تدمع لم تخشع من منظر طفل

وقلوب جرانيت

وتراب بيهل على أكتافنا

لحظة توليد

الطاقة النايمة إللى بتعطل كل اما تقيد

بنحب وطنا وأتلفنا

كل إللى يبيع حواديت

وأغانى وحفنة دم 

كان مين مهتم

الشرق إللى مغرّق روحه فى أبيار بترول

والزيت والشحم

وأنياب أمريكا إللى معلّم فوق عضم ولحم

والسهم الصايب عصافيرنا كل اما تطير

ويهوذا فنُّه وحواراته

ومأمّنةِ غدرُه 

ومازال بيسن على مسنُّه

سلاحين لخناجرُه 

متبعتر كل اخواتَك رش

وجماعةِ الحزمة حديد لو قش

ف الدعم الواضح للغاغة

ومصانع كبرى لنداغه

والشرح الكامل لبلاغةِ زن الدبابير

يوسف أعرض عن هذا

هتسامح ولّا هتتناسا

حدفك فى البير.