محمد العسيري يكتب: ولا عن.. ولا على بلدى.. يا ولدى

ولا ده.. ولا دى 

ولا عن.. ولا على 

ولا فيها فصال.. ولا فيها بله

بلدى ومافيش غيرها يا ولدى 

دوا للبلبلة

فصلة مفصلة 

وصلة موصلة

يا تكون مع مصر 

يا إما فلا

للشمس بابين.. يا غروب يا شروق

وكتابى مبين.. ولسانى طلوق

تصحى المحروسة.. الدنيا تروق

افتح فاتحة.. وسمى البسملة

سبحانه علا.. علا شأنه.. علا

علاها على.. كل الأراضين 

والتالى تلا...

ادخلوها سالمين.. فلا حزن.. ولا

فصلة مفصلة

وصلة موصلة

يا تكون مع مصر.. يا إما فلا. 

ف كتابها قريت.. بعيونى الجوز

ف هواها مافيش.. يمكن ويجوز

ناضرين.. حاضرين.. قبلن ما تعوز

يندهنا أدان.. تجمعنا صلا

ولا ده.. ولا دى 

ولا عن.. وعلى

ولا فيها فصال.. ولا فيها بله

بلدى ومافيش غيرها يا ولدى 

دوا للبلبلة.