إبراهيم المهدى يكتب: يا أُم الجمال

يا أم الرمش الكحيل وأم العيون سمرا

بسهر وطول الليل سكران بلا خمرة 

والقلب دايب دوب حبك قدر مكتوب 

والنفس مش هتتوب.. عنه ولو مرة

حبك زرع فيا.. أفراحى من تانى 

طرحت لياليا.. همسك فى الحانى 

يا اللى فى صوتك نغم.. للفجر صحانى 

دندن وخلَّانى.. أعزف مواويلك 

ترقص نجوم ليلك.. وتميل على وردك 

وردة على خدك.. وردة على الشفة 

بيلف ١٠٠ لفة.. قلبى على نفسه 

لو نوزن الكفة 

عينك قصاد الناس راح تقلب الدفة

لو نظرة من عينك 

يا أم العيون الماس 

جيت لك بغنيلك 

بتمنى أشرب كاس حنيَّه من نيلك 

يا اللى النجوم بتغير من نور قناديلك 

بسهر أناديلك.. بتمنى منك رد 

يا أم الجمال كله.. وما فيش فى حُسنك حد.